Գիտե՞ք քանի հայ է ապրում ամբողջ աշխարհում։ Հայտնի և ոչ այնքան հայտնի, անհատներ, ովքեր այս կամ այն կերպ ներդրում են ունեցել հասարակության և ամբողջ աշխարհի զարգացման գործում...
#հայտնիհայերը խորագրի շրջանակներում այսօր կներկայացնենք լիբանանահայ կուտյուրյեր Գրիգոր (Կրիկոր) Ջաբոտյանին։
Աշխարհահռչակ դիզայներն իր կարիերան սկսել է 18 տարեկանում՝ ընդունվելով Esmod՝ Բեյրութում արվեստի և նորաձևության տեխնոլոգիաների բարձրագույն դպրոց: Դառնալով այդ հեղինակավոր համալսարանի շրջանավարտը` Գրիգորը միացել է Elie Saab-ի թիմին՝ որպես դիզայիներ:
Ավելի ուշ 23 տարեկանում Գրիգորը ստեղծել է «Կրիկոր Ջաբոտյան ատելիե»-ն և ներկայացրել իր առաջին հավաքածուն։ Ընկերությունը շատ արագ սկսել է բարգավաճել և դարձել ընտանեկան բիզնեսի ստացված օրինակ:
«Փորձում եմ զգեստներ պատրաստել այնպես, որպեսզի դրանք յուրօրինակ տեսք ունենան, և միևնույն ժամանակ մարդիկ կարողանան կրել գրեթե ամեն օր։ Աշխատում եմ չմոռանալ իմ արմատները. ոչ իմ հայկական ծագումը, ոչ այն փաստը, որ մեծացել եմ Լիբանանում, որը երկար տարիներ տարբեր մշակույթների խաչմերուկ է եղել»,- ասում է կուտյուրեն։
2017 թվականին Գրիգորը ներկայացրել է իր զգեստների հավաքածուն Vogue Fashion Dubai Experience-ի ընթացքում, իսկ 2018 թվականին Փարիզում թողարկել է իր նրբաճաշակ հարսանյաց զգեստների շարքը։
2020 թվականին Գրիգորի Բեյրութում գտնվող նորաձևության տունը անհաջողության մատնվեց։ Բայց նույնիսկ դա չխանգարեց ամբիցիոզ դիզայներին։ Յուրահատուկ ու տարբերվող զգեստները շարունակում են ծնվել Գրիգորի ձեռքերով, և միլիոնավոր նորաձևության սիրահարներ ամբողջ աշխարհում երազում են ամուսնանալ հայ կուտյուրյեի զգեստներով։
@armbusinessportal #հայտնիհայերը #Armenia #Business
Տեքստը՝ Անի Սարգսյան